Tulu Tangon : Tanak Vagu Manansavo Dazang Tavasi.

Tulu Tangon : Tanak Vagu Manansavo Dazang Tavasi.

Varo po kadino tanak vagu banal ko tipanansavo dino dazang solutan ka dino. Ino tanak solutan ka dino banal ko avasih ka.

Na mitung-itung ka ino tanak vagu dino kuran ot kasasavaan dou dino dazang. Mazad di talaid no varo no nohobo dino tanak vagu ot ralan kuran ot kasasavaan dino Dazang do solutan ka dino.

Na ino dazang do solutan dino ka dino amu kopinsan kalabus sid valai ka dino. Ong mirimpanau ka bai sid mintutuk istana sid kabun bung aka.

Ino tanak vagu ka dino minanabpo ot oginisan ot kivulu ot tombolog dit banal ko ongo vavantang ot vulu termasuk tombolog kankkaput ka( kasangai lo ngaran ku..hehe).

Innjadi atdpaan po ka ino tongo tombolog oginisan ot vulu ka dino vuvulon dino tanak vagu om isokot ogi dauu ka sid kikuman dauu. Nopongo po ka dino banal ko avantang mimot imot ka dino. Gam kororohon tantu ka imatan tu masam-masam ot votik ka dino vulu sid kikuman tanak vagu.

Na minamanau no sinod istana do solutan ka dino tanak vagu dino. Hizaan diri ngam-ngam dot mogom ogom sid taman ka ino Dazang. Hiza dino linumazag ka dino solutan tama dazang dino dot koturuaan om kouli ogi ka.

Na hiza tumalib ka ino tanak agu sinod istana dazang dino mad nimot e dit dazang ka dino tombolog tanak vagu dino. Banal ko ozi ino dazang. Gam ti pangazam ka ino dazang dino. Pinoros no bo ino dazang ka dino sid tanak vagu dit banal ko ozi yosido om tipangazam. Nga minangakun no kai no dazang.

Na inazam no bo ino tamombolog tanak vagu dino di dazang. Ong otopot no ino tombolog dino nga kikuman do tanak vagu dit ginama dauu vulu tombolog dit banal ko ongo vavantang ot votik.

Na insan tadau, kadi tanak vagu okugui te tombolog te tu mongivou yosido iso gimis taakanon ka dino tanak vagu. Kagi apagon mogihim ka dino tanak vagu. Na boroso ka dino dazang. Osiaan ino ong gmahui no tombolog azam ku ka dino dazang. Ong kakanan po sitid valai diti ka dino dazang bai sunkod po tavan aso siti. Harati dauu nunu-nunu nga varo kavi kakanan sinod istana dazang tu lumundu gima.

Amu katama oku bo momoros dazang kadi lo tanak vagu. Na ka dino dazang mongogorot mongoduat e tu banal ko osianan lo tombolog azam dauu ong olikapan atau gumahui. Na valango no dino tanak vagu ot sovolokon ka dino tombolog tazam dauu dino.

Okon ku nunu bo sovolokon no tombolog tazam nu dino ka dino tanak vagu. Banal ko tiakan yosodo do turoi tambang ka dino tanak vagu. Ayatukkk—ayatukk….kadi no dazang..nunu nopo tiakan lo tazam ku ingo ino nga pooiakanan ok sovolokon yosido. Aso ma sid valai diti ong TUROI TAMBANG ka dino Dazang(mokimahap heheh). Ai na matai no biti tombolog tinazam dikito diti ong aso turoi tambang ka dino dazang.

Na ka di dazang kuran ong kikuman tongondu, uru e lo sovolok lo tombolog tazam kito oi? Ka dilo dazang. Aii..tau mai tu amu opitieeman ku monumad ka dino tanak vagu. Nga daripada omu timeen ka dino dazang lagi avantang ong tieeman kito ka dino dazang. Sumusaaan oku diti ong mata amu kakan ino tombolog.

Buaa tieeman no bo ka dino tanak vagu. Kagi ma sombo kikuman tondu ka dino tanak vagu. Ka dino dazang iti no bo kikuman ku ka dauu. Disai po ma ka dauu. Ba tieeman no bo kadi tanak vagu. Om koteem po mangakan ka dino tombolog azam tanak vagu ka dino nag banal ko ogorot om orusuk, na ohijau ogi ka ino tombolog dino.

Mazad po di koturuan no na nokuli no it solutan ama do dazang. Ino tondu dazang nga gam mogontizan no. nimot po dino tama solutan dot kitizan no ino tanak dauu, dinuaat no bo dauu isai nokotizan dauu. Tinuturan no bo dino dazand it navavazaan dauu om it tanak vagu.

Norongou po ka dino solutan dino, suhuoo no dauu manangkap it tanak vagu. Na nokorikot no ino tanak vagu. Mongitung dara ino solutan pirundunon e posuvang sid bubu om irulun sid rahat. Nag pongitung-pongitung ino solutan, mad osianan e yosido dino tanak sinamadan dauu. Gam ka dilo ginavo dauu, ino no tanak vagu ot timbang dauu.

Na hinatul kam hinatul dino solutan popisavo ino tanak dazang dauu om tanak vagu. Tinabakan no songinan ot vogok om sampai minogontong banal ko aramai ka.

Na banal ko ohigak, obohogia sampai sid muaki om muodu ka pomisavo dino tanak vagu om dazang dino. Sampai napatai poi no solutan ka dino e tank vagu ka ot minawarisi no harta kakayaan dino solutan.

Na nompus no bino.

*mokimahap lucah ngaran te tangon ku.

Nota: gunakan fikiran yang sudah di anugerahi oleh tuhan kpd kita utk menyelesaikan segala masalah kehidupan di dunia ini..

 (mokimahap te tangon ku berunsur lucah)

Tangon di : KangKaput Ligavun PenglipurLara Rungus

Hakcipta terpelihara oleh Akta Percetakan 1998